Bitcoin müharibə və geosiyasi risklərin artması fonunda 69 min dollardan aşağı enib. Hazırda BTC-nin qiyməti təxminən 68 370 dollar, Ethereum-un qiyməti isə 2 062 dollar səviyyəsindədir.
Bizim.Media xəbər verir ki, Bloomberg-in məlumatına görə, bazar günü Bitcoin 3,3 faiz ucuzlaşaraq təxminən 68 150 dollara qədər geriləyib və bu, martın əvvəlindən bəri ən aşağı səviyyələrdən biri olub.
Ethereum da təxminən 5 faizə yaxın dəyər itirib, Solana, XRP və Cardano da ucuzlaşıb.
Mütəxəssislər bildirirlər ki, kriptobazara təzyiqi yalnız müharibə qorxuları deyil, həm də enerji qiymətlərinin artması və ABŞ-da kriptotənzimləmə ilə bağlı gözləntilərin zəifləməsi gücləndirir.
Reuters-in martın 17-də yaydığı məlumata görə, Citi də ABŞ-da kriptorequlyasiya prosesinin ləngiməsi səbəbindən Bitcoin və Ethereum üzrə 12 aylıq hədəf qiymətlərini aşağı salıb.
Bizim.Media
