Moskvada dindarlara söz atıldı - Kütləvi dava düşdü

Moskvanın mərkəzindəki Bolşoy Spasoglinişevski küçəsindəki sinaqoqun yaxınlığında dava baş verib.

News365.az xəbər verir ki,  Rusiya Daxili İşlər Nazirliyinin Moskva Baş İdarəsi cinayətkarların kimliklərini müəyyən etmək istiqamətində işə başlayıb.

Daxili İşlər Nazirliyinin Baş İdarəsi əlavə edib ki, polis gələndə hadisə iştirakçıları oranı tərk ediblər.

"Hazırda qanunsuz hərəkətdə iştirak edənlərin müəyyən edilməsi və saxlanılması üçün istintaq tədbirləri davam etdirilir. Onların hərəkətləri qanuna uyğun olaraq qiymətləndiriləcək", - deyə idarə əlavə edib. 

Hüquq-mühafizə orqanlarındakı mənbə TASS-a hadisənin Moskvanın mərkəzindəki Moskva Xor Sinaqoqunun yaxınlığında baş verdiyini dəqiqləşdirib. İlkin məlumatlara görə, naməlum şəxslər sinaqoqdan çıxan dindarlara hücum ediblər. Sözlü mübahisə təxminən 12 nəfərin iştirak etdiyi davaya çevrilib.