Unikal.az portalından əldə olunan məlumata əsasən, ain.az xəbər verir.
İsrail və ABŞ-nin İrana raket və bomba zərbələrinin coğrafiyasının genişlənməsini getdikcə artan həyəcanla izləyirik.
"Unikal" xəbər verir ki, bu barədə Rusiya Xarici İşlər Nazirliyinin açıqlamasında deyilir.
Bildirilir ki, 18 martda Xəzər dənizindəki İranın Ənzəli limanı bombalandı. Bu ən böyük Xəzər limanı, Rusiya-İran ticarətini, o cümlədən ərzaq ticarətini dəstəkləmək üçün fəal şəkildə istifadə edilən mühüm ticarət və logistika mərkəzidir. Bu liman vasitəsilə İranla nəqliyyat əlaqələri saxlayan Rusiyanın və digər Xəzəryanı dövlətlərin iqtisadi maraqlarına təsir göstərir.
"Amerika-İsrail koalisiyası Yaxın Şərqdə alovlandırdıqları müharibəyə yanacaq tökməyə davam edir və bu da onun daha da yayılmasına səbəb olur. Xəzər dənizi həmişə region ölkələri və beynəlxalq ictimaiyyət tərəfindən sülh və əməkdaşlıq üçün təhlükəsiz məkan kimi qəbul edilib. Təcavüzkarların ehtiyatsız və məsuliyyətsiz hərəkətləri Xəzəryanı dövlətləri hərbi münaqişəyə cəlb etmək riskini yaradır. Biz bir daha hərbi əməliyyatların dərhal dayandırılmasını və getdikcə qonşu bölgələrə yayılan Yaxın Şərqdəki vəziyyətin siyasi həllinə nail olmaq üçün səylərin bərpa olunmasını qətiyyətlə tələb edirik", - deyə Rusiya XİN-in məlumatında deyilir.
Ən son xəbərləri və yenilikləri almaq üçün ain.az saytını izləyin.
