Sevgi münasibətlərində qısqanclıq bəzən bağlılığın göstəricisi kimi qəbul olunur. Lakin bəzi insanlar üçün bu hiss həddini aşır və münasibətləri çətinləşdirir. Astroloqlara görə, bəzi bürclər sevdikləri insanı demək olar ki, hər şeydən qısqanacaq qədər zəhlətökən olurlar. Metbuat.az sevdiyi insanı hətta daşa-divara da qısqanan bürcləri təqdim edir: QoçQoç bürcü impulsiv və enerjili xarakterə malikdir. Onlar qısqandıqları zaman bunu gizlətmir və dərhal reaksiya verirlər. Sürətli emosiyaları səbəbilə bəzən vəziyyəti gərginləşdirirlər. Qoçlar üçün sevgi rəqabət kimidir və paylaşmaq onlar üçün çətindir. BuğaBuğa bürcü sədaqətli və ciddi münasibət tərəfdarıdır. Onlar həyat yoldaşlarını itirməkdən qorxduqları üçün qısqanclıq hissini tez-tez yaşayırlar. Sabitlik onların həyatında əsas yer tutur və bu sabitlik pozulduqda narahatlıq artır. Bu səbəbdən onlar bəzən həddindən artıq sahiblənici davranır və bu xüsusiyyətləri ilə sevdikləri insanı bezdirirlər. ƏkizlərƏkizlər bürcü sosial və ünsiyyətcil olduqları üçün çox vaxt qısqanclıq hissini gizlətməkdə çətinlik çəkirlər. Onlar maraqlı və diqqət cəlb edən tərəfdaşları ilə münasibətdə olduqda kiçik işarələrdən də narahat olurlar. Bu bürc üçün sevgi həm də paylaşmaq və diqqət tələb etmək deməkdir. XərçəngXərçəng bürcü emosional və həssas təbiəti ilə seçilir. Onlar sevdikləri insana çox bağlanır və onu itirməkdən qorxurlar. Bu qorxu isə qısqanclıq hissini daha da gücləndirir. Xərçənglər münasibətdə güvən və diqqət görmədikdə dərhal narahat olurlar. ŞirŞir bürcü diqqət və sevgi mərkəzində olmaq istəyir. Sevdiyi insanın başqasına maraq göstərməsi onları dərhal qıcıqlandırır. Qürurlu olduqları üçün qısqanclıqlarını gizlətməyə çalışsalar da, bu hiss tez üzə çıxır. Şirlər üçün sevgi həm də xüsusi və tək olmaq deməkdir. ƏqrəbƏqrəb bürcü qısqanclıq mövzusunda lider sayılır. Onlar sevdikləri insana qarşı çox dərin hisslər bəsləyir və bu hisslər sonradan nəzarətə çevrilir. Güvənmək onlar üçün əsas məsələdir və kiçik şübhə belə böyük reaksiyalara səbəb ola bilər. Əqrəblər üçün sevgi həm də sahib çıxmaq deməkdir.
