Fransa millisinin qarşıdakı yoxlama oyunları üçün heyəti açıqlanıb. Msport.az xəbər verir ki, Didye Deşamın komandası martın 26-da Braziliya, 29-da isə Kolumbiya ilə qarşılaşacaq.
Fransızların Braziliya ilə oyunu ABŞ-da olacaq.
Milliyə dəvət olunanlar arasında “Fənərbağça”nın yeni transferi Nqolo Kante də var. Bundan başqa, Kilian Mbappe, Usman Dembele kimi liderlər də yığmaya çağırılıblar.
Qapıçılar: Lüka Şevalye (PSJ), Mik Menyan (Milan), Bris Samba (Renn).
Müdafiəçilər: Luka Din (Aston Villa), Malo Qüsto (Çelsi), Lukas Ernandes (PSJ), Teo Ernandes (ƏL-Hilal), İbrahima Konate (Liverpul), Pyer Kalülü (Yuventus), Vilyam Saliba (Arsenal), Deotşankül Upomekano (Bayern).
Yarımmüdafiəçilər: Manu Kone (Roma), Adrien Rabyo (Milan), Eduardu Kamavinqa, Orelyen Çuameni (hər ikisi Real), Uorren Zair-Emeri (PSJ), Nqolo Kante (Fənərbağça).
Hücumçular: Kilian Mbappe (Real), Maqnes Akliuş (Monako), Usman Dembele, Dezire Due (hər ikisi PSJ), Rayan Şerki (Mançester Siti), Uqo Ekitike (Liverpul), Randal Kolo Muaini (Tottenhem), Maykl Olise (Bayern), Markus Türam (İnter).
