ain.az, Azertag saytından verilən məlumata əsaslanaraq xəbər yayır.
Bakı, 17 mart, AZƏRTAC
Avstraliyalı tədqiqatçılar yaraların real vaxt rejimində müalicəsi üçün yeni “ağıllı” sarğı hazırlayıblar.
AZƏRTAC Çinin Sinxua agentliyinə istinadla xəbər verir ki, Avstraliyanın Kral Melburn Texnologiya İnstitutunun alimləri hidrogel əsaslı sarğıya karbon nöqtələri adlı nanomateriallar əlavə edərək onun həm monitorinq, həm də müalicə funksiyası daşımasına nail olublar.
Bildirilib ki, sarğı infeksiya zamanı yaranın pH səviyyəsindəki dəyişikliklərə uyğun olaraq rəngini dəyişir və iltihabı azaltmağa, sağalmanı sürətləndirməyə kömək edən maddələrin ifrazını stimullaşdırır. Müalicə prosesi sarğıya yüngül təzyiq göstərməklə aktivləşdirilə bilər.
Qeyd olunub ki, yeni texnologiya həkimlərin daha operativ və effektiv müdaxiləsinə imkan yarada bilər.
Ən son xəbərləri və yenilikləri almaq üçün ain.az saytını izləyin.
