ABŞ Prezidenti Donald Trump bildirib ki, Rusiya Prezidenti Vladimir Putin ABŞ-dan çəkinir, lakin Avropa ölkələrindən qorxmur.
Trampın sözlərinə görə, Putin xüsusilə onun ilk prezidentlik dövründə qurulduğunu dediyi ABŞ ordusundan ehtiyat edir.
“Putin ümumilikdə NATO-dan yox, mənim ilk prezidentlik müddətimdə qurduğum ordudan narahatdır”, – deyə Tramp bildirib.
ABŞ prezidenti qeyd edib ki, NATO çərçivəsində uzun illərdir Avropa ölkələrinin təhlükəsizliyini əsasən ABŞ təmin edir.
“Biz bu ölkələri illərdir NATO vasitəsilə qoruyuruq, çünki NATO əslində bizik. Putindən də soruşa bilərsiniz”, – deyə o vurğulayıb.
Tramp əlavə edib ki, Putin Avropadan deyil, ABŞ-dan və onun sözlərinə görə ilk prezidentlik dövründə formalaşdırdığı güclü ordudan ehtiyat edir.
