ain.az, Azpolitika.az portalından verilən məlumatlara əsaslanaraq xəbər verir.
Çin İranın cənubunda məktəbə edilən hücum nəticəsində həyatını itirən şagirdlərin ailələrinə dəstək məqsədilə humanitar yardım ayırdığını açıqlayıb.
Məlumata görə, "Red Cross Society of China" tərəfindən Iranian "Red Crescent Society" təşkilatına 200 min dollar məbləğində təcili yardım göndəriləcək. Yardımın əsasən hücum zamanı həyatını itirən şagirdlərin ailələrinə dəstək üçün istifadə olunacağı bildirilib.
Çin Xarici İşlər Nazirliyinin sözçüsü Co Ciakun bildirib ki, məktəblərə və uşaqlara qarşı hücumlar beynəlxalq humanitar hüququn ciddi şəkildə pozulmasıdır. O, bu cür hadisələrin “insanlığın vicdanına zidd” olduğunu vurğulayıb.
Qeyd edək ki, fevralın 28-də ABŞ və İsrailin İrana qarşı həyata keçirdiyi hücumlar zamanı ölkənin cənubunda yerləşən Minab şəhərində yerləşən məktəb bombalanıb. Hücum nəticəsində əksəriyyəti uşaq olmaqla 185 nəfərin həyatını itirdiyi bildirilir.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
