Yaponiya baş naziri Sanae Takaiti martın 19-da ABŞ-a planlaşdırılan səfəri çərçivəsində prezident Donald Tramp ilə görüşərkən Tokionun Vaşinqton tərəfindən irəli sürülən "Qızıl Qübbə" (Golden Dome) raketdən müdafiə (RHM) sistemində iştirakını elan edə bilər.
AFN.az xəbər verir ki, bu barədə "Yomiuri" qəzeti hökumət mənbələrinə istinadən məlumat yayıb.
Qəzet yazır ki, ABŞ-ın materik hissəsini qorumaq üçün kosmosda raketləri zərərsizləşdirən vasitələrin yerləşdirilməsi planlaşdırılır. Yaponiya da öz növbəsində milli təhlükəsizliyini təmin etmək məqsədilə bu birgə sistemdən istifadə etmək niyyətindədir. Təşəbbüsün 2029-cu ilin yanvarına qədər fəaliyyətə başlaması nəzərdə tutulur.
Bundan əlavə, Tokio və Vaşinqton hiper-səsli planlaşdırıcı blokları və pilotsuz uçuş aparatlarını vurmaq üçün nəzərdə tutulan GPI raket-tutucularının birgə hazırlanmasını həyata keçirir, həmçinin potensial hədəfləri aşkar etmək və izləmək üçün peyk şəbəkəsi yaradırlar.
