Türkiyədə 65 və yuxarı yaşda olan əhalinin sayı 5 ildə 20,5% artaraq ötən il 9,583,059 nəfərə çatıb.
Newscenter.az xəbər verir ki, bu barədə Türkiyənin Türkiyə Statistika İnstitutu (TÜİK) məlumat yayıb. Məlumata görə, 2020-ci ildə 7,953,555 nəfər olan 65 və yuxarı yaşda olan əhali 5 ildə 20,5% artaraq 2025-ci ildə 9,583,059 nəfərə çatıb. Ümumi əhalidəki yaşlı əhalinin nisbəti 2020-ci ildəki 9,5%-dən 2025-ci ildə 11,1%-ə yüksəlib.
Yaşlı əhalinin 55,3%-i qadınlardır.
2025-ci ildə yaşlı əhalinin 44,7%-i kişi, 55,3%-i isə qadın olub. Əhali proqnozlarına görə, yaşlı əhalinin nisbəti 2030-cu ildə 13,5%, 2040-cı ildə 17,9%, 2060-cı ildə 27%, 2080-ci ildə 33,4% və 2100-cü ildə 33,6% təşkil edəcək.
Anar
