"Liverpul" "Qalatasaray"la matça ciddi itkilərlə çıxacaq

UEFA Çempionlar Liqasının 1/8 final mərhələsi çərçivəsində "Qalatasaray"ın qonağı olacaq "Liverpul" ciddi itkilərlə üzləşib.

QOL.az xəbər verir ki, İngiltərə təmsilçisi İstanbula yollanacaq heyətini açıqlayıb və əsas qapıçı Alisson Bekkerin siyahıda yer almadığı məlum olub. Braziliyalı qolkiperin zədə səbəbindən "sarı-qırmızılılar"a qarşı forma geyinə bilməyəcəyi dəqiqləşib. 

Mersisayd təmsilçisində Alissonla yanaşı, Konor Bredli, Vataru Endo, Federiko Kyeza və Aleksander İsak da İstanbul səfərinə aparılmayıb.

"Liverpul"un "Qalatasaray" matçı üçün İstanbula yollanan heyətində isə aşağıdakı futbolçular yer alıb:

Qomes, Van Dayk, Konate, Kerkez, Virts, Soboslai, Mak Allister, Salah, Cons, Qakpo, Ekitike, Mamardaşvili, Robertson, Vudman, Frimponq, Qravenberx, Nyoni, Nallo, Morrison, Nqumoxa, Misçiur.

Xatırladaq ki, "RAMS Park"da keçiriləcək "Qalatasaray" - "Liverpul" matçının start fiti martın 10-da Bakı vaxtı ilə saat 21:45-də səslənəcək.

• Liverpul
• ZÉ™dÉ™
• Qalatasaray
• Alisson Bekker