"Liverpul"un sabiq baş məşqçisi Yurgen Klopp "Red Bull"un futbol istiqamətinin rəhbəri postunu tərk edə bilər.
Publika.az xəbər verir ki, bu barədə Fransanın "L'Equipe" qəzeti məlumat yayıb.
Mənbənin bildirdiyinə görə, şirkət sistemində almaniyalı mütəxəssisin fəaliyyətindən narazılıq var. Onun qəbul etdiyi bəzi qərarlar tənqid olunur. İddia edilir ki, cari mövsüm başa çatdıqdan sonra Kloppu hazırda "Kristal Pelas"a rəhbərlik edən Oliver Qlasner əvəz edə bilər.
Xatırladaq ki, Klopp 2024-cü ilin yayında "Liverpul"un baş məşqçi postundan ayrılıb. 2025-ci ilin yanvarından etibarən isə "Red Bull" sistemində fəaliyyət göstərir.
