SON DƏQİQƏ! İranın nüvə obyekti zədələndi – Radiasiya sızıntısı... – FOTO

İranın Natənz yeraltı nüvə obyektinin giriş hissəsində müəyyən zədələr qeydə alınıb.

Bizim.Media xəbər verir ki, bununla bağlı Atom Enerjisi üzrə Beynəlxalq Agentlik (AEBA) “X” hesabında məlumat yayıb.

“Ən son mövcud peyk görüntülərinə əsasən, Atom Enerjisi üzrə Beynəlxalq Agentlik indi təsdiq edə bilər ki, İranın Nətənz yeraltı Yanacaq Zənginləşdirmə Zavodunun giriş binalarında yaxın zamanda müəyyən zədələr qeydə alınıb. Heç bir radioloji sızıntı gözlənilmir və iyun ayındakı münaqişə zamanı ciddi zərər görmüş yanacaq zənginləşdirmə obyektinin özündə əlavə təsir aşkar edilməyib”, - məlumatda qeyd olunub.

Qeyd edək ki, dünən Natənz nüvə obyektinə zərbə endirilməsi ilə bağlı xəbərlər yayılmışdı.



Bizim.Media