A Seriyası: “Fiorentina” “Udineze”yə böyük hesabla yenildi – ARENA.AZ

Bu gün futbol üzrə İtaliya çempionatında (A Seriyası) 2025/2026-cı illər mövsümünün 27-ci turunun oyunlarına yekun vurulub.

Arena.az xəbər verir ki, sonuncu oyun günündə 2 qarşılaşma baş tutub.

“Piza” doğma meydanda “Bolonya”ya minimal hesabla uduzub. “Udineze” isə “Fiorentina” ilə ev oyununda 3 xalı 3 cavabsız qolla qazanıb.

Beləliklə, geridə qalmış 27 turdan sonra 67 xal toplamış “İnter” vahid liderdir. “Milan” 57 xalla ikinci, “Napoli” 53 xalla üçüncü pillədə qərarlaşıb. “Roma” 51, “Komo” 48, “Yuventus” 47, “Atalanta” 45 xal toplayıb.

İtaliya, A Seriyası
27-ci tur
27 fevral

Parma – Kalyaro 1:1
Qollar: Oristanio, 83 – Folorunşo, 63.

28 fevral

Komo – Leççe 3:1
Qollar: Duvikas, 18. Rodriqes, 35. Kempf, 44 – Kulibali, 13.

Verona – Napoli 1:2
Qollar: Akpro, 65 – Höylund, 2. Lukaku, 90+6.

İnter – Cenoa 2:0
Qollar: Dimarko, 31. H.Çalhanoğlu, 70-pen.

1 mart

Kremoneze – Milan 0:2
Qollar: Pavloviç, 90. Leao, 90+4.

Sassuolo – Atalanta 2:1
Qollar: Kone, 23. Torstvedt, 69 – Musa, 88.

Torino – Latsio 2:0
Qollar: C.Simeone, 21. Sapata, 53.

Roma – Yuventus 3:3
Qollar: U.Fransa, 39. Ndika, 54. Malen, 65 – Konseysao, 47. Boqa, 78. Qatti, 90+3.

2 mart

Piza – Bolonya 0:1
Qol: Edqor, 90.

Udineze – Fiorentina 3:0
Qollar: Kabasele, 10. Devis, 64-pen. Buksa, 90+4.