ain.az, Bizimyol portalından verilən məlumatlara əsaslanaraq xəbər verir.
NATO-nun Baş katibi Mark Rütte Avropanın ABŞ-nin İrandakı hərəkətlərini tam dəstəklədiyini bildirib.
"Report" xəbər verir ki, o, bunu BBC-yə müsahibəsində deyib.
M.Rütte deyib ki, İran Avropa, İsrail və bütün region üçün təhdiddir. O qeyd edib ki, ötən həftə sonu İranda keçirilən əməliyyatlar fonunda Avropa həqiqətən fəallaşır.
Böyük Britaniyanın Baş naziri Kir Starmerin ABŞ-yə İrana qarşı müdafiə xarakterli zərbələr endirmək üçün Britaniya bazalarından istifadə etməyə icazə verməsi qərarının gecikmiş olub-olmaması ilə bağlı sualı cavablandıran M.Rütte vurğulayıb ki, icazə verilməzdən əvvəl hüquqi məsələlər tənzimlənməli idi.
ABŞ və İsrailin İrana zərbələri barədə əvvəlcədən xəbəri olub-olmaması ilə bağlı suala NATO-nun Baş katibi cavab verib ki, bu cür detalları açıq şəkildə müzakirə etmir. Bununla yanaşı, o vurğulayıb ki, ABŞ rəsmiləri ilə çoxlu danışıqlar aparıb və Vaşinqtonla NATO-nun hərəkətlərini sıx şəkildə koordinasiya etdiyini bildirib.
M.Rütte BBC-nin NATO qüvvələrinin münaqişədə mümkün iştirakı ilə bağlı sualını cavablandırarkən deyib: "Xeyr, bu, açıq-aydın amerikalıların və israillilərin rəhbərlik etdiyi hərbi əməliyyatdır".
O əlavə edib ki, hazırda Alyans üzrə müttəfiqlər və regiondakı dostlar İran tərəfindən hücumlara məruz qalırlar və yaranmış vəziyyətdə mümkün olan hər şeyi edirlər.
Sonrakı hadisələr barədə daha çox məlumat almaq üçün ain.az saytını izləyin.
