Ukrayna Prezidenti Volodimir Zelenski Rusiya Prezidenti Vladimir Putinlə görüşə hazır olduğunu, lakin bunun Rusiya və ya Belarus ərazisində baş tutmayacağını bildirib.
O, bu barədə “Sky News”a müsahibəsində danışıb.
“Putini Kiyevə dəvət edə bilərəm, amma bunun mənası nədir? Mən onunla oyun oynamıram. Görüşə və danışıqlara hazıram, lakin neytral platformada. Hətta mütləq neytral da olmaya bilər, amma Rusiya və Belarusda yox. Çünki onlar bu müharibədə müttəfiqdirlər. Belarus passiv aqressordur. Bizə Belarus ərazisindən hücum edilib”, – deyə Zelenski bildirib.
MənbəAPA
