Avropa Kosmik Agentliyinin on ildən çoxdur ki, ölçmələr aparan "Swarm" peyk proqramı Yer kürəsinin maqnit sahəsinin mütəxəssislərin gözlədiyindən daha sürətli dəyişdiyini göstərib.
Hakimiyyet.az xəbər verir ki, alimlər diqqətlərini Atlantik üzərindəki aşağı geomaqnit sahəsinə malik ərazi olan Cənubi Atlantik Anomaliyasına yönəldiblər. Məlumata görə, 2014-cü ildən bəri bu zona genişlənərək kontinental Avropanın yarısına bərabər ərazini əhatə edib.
Müşahidələr göstərir ki, son illərdə ən güclü azalma Afrikanın cənub-qərbindəki bir sektorda qeydə alınıb. Tədqiqatçılar bunun planetin dərin təbəqələrində baş verən proseslərlə əlaqəli ola biləcəyini qeyd edirlər. Mütəxəssislər dinamik dəyişiklikləri qlobal maqnit sahəsini təşkil edən Yerin xarici nüvəsindəki ərimiş materialın hərəkəti ilə əlaqələndirirlər.
Üstəlik, dəyişikliklər qeyri-bərabərdir. Afrikaya yaxın ərazilərdə və Kanada üzərində zəifləmə daha çox nəzərə çarpır, Sibirdə isə son illərdə güclənib. Bu ziddiyyət planetin dərinliklərində baş verən proseslərin mürəkkəbliyini əks etdirir.
Alimlər vurğulayırlar ki, geomaqnit qalxan orbital infrastrukturun qorunmasında və elektronikanı poza biləcək yüklü hissəciklərin axınının azaldılmasında əsas rol oynayır. Cənubi Atlantika Anomaliyası 19-cu əsrdən bəri məlumdur və zaman keçdikcə ən çox zəiflədiyi zonalarının konfiqurasiyasını dəyişdirib.
Elvin
Hakimiyyet.az
