Pakistanın Hərbi Hava Qüvvələri Əfqanıstanda, o cümlədən paytaxt bölgəsində bir neçə hərbi hədəfə zərbə endirib.
APA xəbər verir ki, bu barədə Pakistanın informasiya naziri Attaullah Tarar PTV-yə verdiyi müsahibədə məlumat verib.
Nazir hava hücumlarının Kabil, Qəndəhar və Paktiyadakı Əfqanıstan hərbi obyektlərinə endirildiyini bildirib.
Onun sözlərinə görə, bir neçə briqada və korpusun qərargahı, sursat anbarı və logistika mərkəzləri məhv edilib. Əfqanıstanın Müdafiə Nazirliyi isə Durand Xəttindən kənarda əməliyyatlar zamanı 55 Pakistan əsgərinin öldürüldünü, iki bazanın və 19 mövqeyin nəzarətə götürüldüyünü, səkkiz hərbçinin həlak olduğunu, 11-inin isə yaralandığını açıqlayıb.
