Qeyd edək ki, Əfqanıstan Pakistanın hərbi obyektlərinə qarşı əməliyyat başlatdığını bəyan etmişdi. Əfqanıstan hökumətinin sözçüsü Zəbihullah Mücahidin sözlərinə görə, Pakistanın bundan əvvəlki hücumlarına cavab olaraq, sərhəddə yerləşən Durand xətti boyunca Pakistan hərbi obyektlərinə qarşı hərtərəfli əməliyyatlar başladılıb. Zəbihullah Mücahid sərhəddə Pakistana məxsus bir neçə məntəqənin ələ keçirildiyini irəli sürmüşdü.
