ABŞ-ın vitse-prezidenti Ceyms Devid Vens Cenevrədə İranın nüvə proqramı ilə bağlı növbəti danışıqlar öncəsi Tehrana qarşı təhdidlər səsləndirib.
Publika.az xəbər verir ki, Ağ Evdə jurnalistlərə danışan Vens, İranı nüvə silahı əldə etməyə çalışmaqda ittiham edib.
O iddia edib ki, bununla bağlı hətta dəlilləri də var, lakin heç birini təqdim etməyib.
"Prezidentin dəfələrlə qeyd etdiyi kimi, o, bu problemi diplomatik yollarla həll etmək istəyir. Amma əlbəttə ki, prezidentin başqa seçimləri də var", - deyə Vens vurğulayıb.
