ÇL: Pley-off mərhələsinə yekun vurulur – ARENA.AZ

Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün pley-off mərhələsinə yekun vurulacaq.

Arena.az xəbər verir ki, keçiriləcək son 4 oyundan sonra 1/8 finala yüksələcək daha 4 komanda müəyyənləşəcək.

ÇL-in sonuncu qalibi olan PSJ Parisdə Fransanın digər təmsilçisi “Monako” ilə üz-üzə gələcək.

“Atalanta” doğma meydanda Dortmund “Borussiya”sını sınağa çəkəcək.

“Yuventus” İtaliyada “Qalatasaray”la, “Real” İspaniyada “Benfika” ilə görüşəcək.

Xatırladaq ki, ötən gün keçirilmiş matçlardan sonra “Atletiko” (İspaniya), “Bayer” (Almaniya), “Bodo Qlimt” (Norveç) və “Nyukasl” (İngiltərə) komandaları 1/8 finala vəsiqə qazanıblar.

UEFA Çempionlar Liqası
Pley-off mərhələsinin cavab oyunları
25 fevral

21:45. Atalanta (İtaliya) – Borussiya (Dortmund, Almaniya)
İlk oyun – 0:2.

00:00. PSJ (Fransa) – Monako (Fransa)
İlk oyun – 3:2.

00:00. Yuventus (İtaliya) – Qalatasaray (Türkiyə)
İlk oyun – 2:5.

00:00. Real (İspaniya) – Benfika (Portuqaliya)
İlk oyun – 1:0.