Ukrayna Prezidenti Volodimir Zelenski Rusiya ilə davam edən münaqişə fonunda seçkilər keçiriləcəyi təqdirdə ikinci müddətə namizədliyini irəli sürə biləcəyini açıqlayıb.
Redaktor.az xəbər verir ki, Zelenski bu barədə "Tagesschau"ya müsahibəsində danışıb.
Prezident bildirib ki, Ukraynanın təhlükəsizliyi təmin olunarsa, seçkilərin keçirilməsinə hazırdır. Onun sözlərinə görə, iki aylıq atəşkəs əldə edilərsə, seçkilərin təşkili mümkün ola bilər.
“Hələlik, mən bu [birinci] müddətdə ilişib qalmışam, öz istəyimlə deyil. Sadəcə olaraq, uzadılıb. Namizəd olub-olmayacağımı bilmirəm. Əgər müharibə davam edərsə, bəli, mütləq. Əgər sülh olarsa, onda namizədliyim müəyyən deyil”, – deyə Zelenski vurğulayıb.
Aminə ŞAHSUVARQIZI
