ain.az bildirir, Marja.az saytına əsaslanaraq.
Donald Tramp (Donald Trump) “Netflix”in idarə heyətində olan ABŞ-ın Demokrat partiyasının keçmiş rəsmisi Süzen Raysın (Susan Rice) vəzifədən uzaqlaşdırılması çağırışı ilə texnologiya və media nəhəngini birbaşa hədəfə alıb. Marja xəbər verir ki, Trampın çıxışı sektorda davam edən böyük satınalma rəqabəti və federal yoxlama prosesi ilə eyni dövrə təsadüf etməsi diqqət çəkib.
“Truth Social”dan mesaj
VTB-də minimal faiz dərəcəsi ilə nağd kredit 10.49%-dən
Tramp "Truth Social" platformasında etdiyi paylaşımında Süzen Raysı “Tramp əleyhdarı” və “siyasi fiqur” kimi xarakterizə edib. Rays vəzifədən uzaqlaşdırılmasa, "Netflix"in “buna görə cavab verməli olacağını” (nəticələrinə qatlanacağnı) deyən Tramp, keçmiş demokrat rəsmisini “tamamilə siyasi” olmaqda ittiham edib.
Trampın açıqlamaları, əvvəl media nəhənglərinin satınalma proseslərinə müdaxilə etməyəcəyini bildirməsinə baxmayaraq, birbaşa mövqe ortaya qoyması səbəbilə yeni müzakirələr yaradıb.
Süzen Raysın açıqlamaları gərginliyi artırıb
Keçmiş prezident Barak Obama dövründə milli təhlükəsizlik müşaviri və ABŞ-ın BMT-də daimi nümayəndəsi vəzifələrində çalışan Süzen Rays, Co Bayden (Joe Biden) administrasiyasında da daxili siyasət şurasında yer alıb. Daha əvvəl "Netflix" idarə heyətində fəaliyyət göstərən Rays, 2023-cü ildə bu vəzifəyə yenidən təyin olunub.
Süzen Raysın bir proqramında səsləndirdiyi fikirlər müzakirələrə səbəb olub. Demokratların yenidən hakimiyyətə gələcəyi təqdirdə “Trampa yaxın olan şirkətlərin hesab verəcəyi”ni deyən Rays, şirkətlərin hüquqi proseslərə hazırlaşmaları lazım olduğunu bildirib. Bu ifadələr respublikaçılar arasında “siyasi qisas təhdidi” kimi qiymətləndirilib.
Gərginlik "Warner Bros. Discovery" üçün davam edən milyard dollarlıq satınalma mübarizəsi ilə eyni dövrə təsadüf edib. "Netflix"in studiyanı satın almaq planı da rəqabət hüququ baxımından ilkin mərhələdə qiymətləndirilir.
Sektor ekspertləri siyasi açıqlamaların davam edən antiinhisar proseslərinə dolayı yolla təsir göstərə biləcəyinə diqqət çəkirlər.
Trampa yaxınlığı ilə tanınan Laura Lumer "Netflix"i sərt ifadələrlə tənqid edib. Lumer şirkəti “Amerika əleyhinə” olmaqda ittiham edərək, mümkün satınalmadan sonra platformanın demokratlara yaxın məzmunlarla doldurulacağı iddiasını gündəmə gətirib.
Son hadisələr yalnız media sektorunda böyük birləşmə yarışını deyil, Vaşinqtondakı siyasi qütbləşməni də yenidən gündəmin ön sıralarına çıxarıb. Analitiklər media nəhənglərinin artan bazar gücü ilə siyasi gərginliyin bir-birinə qarışmasının yaxın dövrdə daha çox müzakirə yaradacağını bildirirlər.
Ən son xəbərləri və yenilikləri almaq üçün ain.az saytını izləyin.
