İranın xarici işlər naziri Abbas Araqçi bildirib ki, Tehran və Vaşinqton əsas məsələlər üzrə razılığa gələ bilər. Onun sözlərinə görə, diplomatik həll yolu hazırda əlçatandır. Nazir bu barədə CBS News telekanalına müsahibəsində danışıb.
KONKRET.az xəbər verir ki, Abbas Araqçi əvvəlki Nüvə Razılaşmasından (SƏVPB) daha yaxşı anlaşmanın mümkün olduğunu deyib:
“Əvvəl çoxlu detallara yer verilmişdi. Düşünürəm ki, indi bu qədər detala ehtiyac yoxdur. Biz əsas məsələlər üzrə razılığa gələ bilərik: İranın nüvə proqramı sülh məqsədli olacaq və həmişə belə qalacaq. Eyni zamanda, daha çox sanksiya ləğv ediləcək”.
Nazir vurğulayıb ki, tərəflər arasında qarşılıqlı anlaşma üçün real imkan mövcuddur və danışıqlar müsbət nəticə verə bilər.
Natiq Səlim,
KONKRET.az
