Onun riyazi hesablamalarda çevikliyi hər kəsi heyrətləndirir.
Söhbət 29 yaşlı Şamaxı sakini Elvin Qəniyevdən gedir. Elvin təqvimin həm keçmiş, həm də gələcək günlərinin həftənin neçənci gününə düşdüyünü dəqiqliklə deyə bilir.
Buna görə də ona "canlı təqvim" deyirlər. Elvinin sözlərinə görə, bu qabiliyyət onda hələ məktəb illərindən formalaşmağa başlayıb.
"Yaddaşım güclü olduğuna görə istəyirdim ki, təqvimə baxmadan günləri deyə bilim. Sonradan həvəsim artdı və müxtəlif illər üzrə hansı günün hansı tarixə düşdüyünü deməyə başladım. Təxminən 13-14 yaşımda məktəbdə sinif yoldaşlarıma dedim, əvvəl inanmadılar. Deyirdilər ki, belə şey mümkün deyil. Sonra müxtəlif illər və tarixlər soruşdular, hamısını dəqiq cavablandırdım. Ondan sonra başa düşdülər ki, bu, hər adamın bacardığı iş deyil", - deyə Elvin Baku TV-yə bildirib.
