ain.az, Demokrat.az saytından verilən məlumata əsaslanaraq xəbər yayır.
Evdəki havanın keyfiyyətini artırmaq üçün illərdir tanıdığımız bitki yenidən gündəmə gəlib. NASA tərəfindən aparılan "Təmiz Hava Tədqiqatı" qapalı məkanlarda zərərli maddələrin azaldılmasında bəzi bitkilərin böyük rolu olduğunu sübut edib. Siyahıda liderliyi isə xalq arasında sülh çiçəyi kimi tanınan Spathiphyllum tutur.Demokrat.az xəbər verir ki, laboratoriya şəraitində aparılan sınaqlar göstərib ki, bu bitki benzol və formaldehid kimi uçucu orqanik birləşmələri udmaq qabiliyyətinə malikdir. Müasir mənzillərdə mebellərdən, boyalardan və təmizlik vasitələrindən yayılan kimyəvi dumanlar zamanla baş ağrısı və tənəffüs problemlərinə yol açır. Sülh çiçəyi bu zərərli maddələrin təsirini minimuma endirərək mühiti daha sağlam edir.Bitkinin faydaları yalnız havanı təmizləməklə bitmir. Geniş yarpaqları sayəsində o, otağın rütubət balansını da tənzimləyir. Xüsusilə qış aylarında qızdırıcıların qurutduğu havanı nəmləndirərək dəri və boğaz quruluşunun qarşısını alır.Baxımı olduqca asan olan bu bitki birbaşa günəş işığı tələb etmir və kölgəli yerlərdə rahat inkişaf edir. Həftədə bir dəfə suvarmaq onun böyüməsi üçün kifayətdir. Mütəxəssislər bitkilərin faydalı olduğunu bildirsələr də, evlərin mütəmadi havalandırılmasının əsas şərt olduğunu xatırladırlar. Estetik görünüşü və funksionallığı ilə sülh çiçəyi yataq otaqları üçün də ən yaxşı seçimlərdən sayılır.Aytən
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
