Saşa İliç “Qəbələ” ilə heç-heçəyə şərh verdi

“Sumqayıt”in baş məşqçisi Saşa İliç Azərbaycan Premyer Liqasının 21-ci turunda “Qəbələ”yə qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Sumqayıtda baş tutmuş görüşündə qapılara qol vurulmayıb – 0:0.

Saşa İliç matçdan sonra təşkil edilmiş mətbuat konfransında bunları söyləyib:

“İlk 20 dəqiqədə yaxşı oyun göstərdik. İlk hissənin sonlarına yaxın səhvlər edirdik. İkinci hissədə bir az toparlansaq da, sonda bərabərliklə matçdan ayrıldıq. Bəzi epizodlardan yararlana bilmirik. Amma bunun məsuliyyətsizlikdən irəli gəldiyini düşünmürəm. Bundan sonra çətin oyunlarımız qalsa da, əlimizdən gələni etməyə çalışacağıq. Mübarizə qarşıdadır. Hələ heç nə bitməyib”.

İliç bu oyunda zədə almış Roi Kehatın durumundan da söhbət açıb:

“Hələ dəqiq məlumatımız yoxdur. Bazar ertəsi müayinələrdən sonra daha dəqiq bir şey söyləmək olar”.