Belarus Prezidenti Aleksandr Lukaşenko ekstremist cinayətlərə görə məhkum edilmiş Nataliya Levanın şəxsi vəziyyətini nəzərə alaraq əfv edilməsi barədə fərman imzalayıb.
"Ölkə.az" xəbər verir ki, bu barədə "Pul Pervogo" Telegram kanalı məlumat yayıb.
Bəyanatda deyilir ki, qərar dövlət başçısı tərəfindən insanlıq prinsiplərinə əsaslanaraq və məhkumun vəziyyətini (hamiləlik) nəzərə alaraq verilib.
Lukaşenko Levanın əfv üçün şəxsi müraciətini, eləcə də cəzasını çəkərkən peşmanlığını və davranışını nəzərə alıb.
Belarus Prezident Administrasiyası rəhbərinin müavini, prezident əfv komissiyasına rəhbərlik edən Olqa Çuprisin sözlərinə görə, Nataliya Lukaşenkoya "cinayətlərindən səmimi şəkildə peşman olduğunu" bildirən ərizə ilə müraciət edib.
Belarus mediası yazır ki, 38 yaşlı Nataliya Leva 2021-2022-ci illərdə "ekstremist qruplar"a 4400 Belarus rublu köçürdüyünə görə altı il müddətinə azadlıqdan məhrum edilib.
Elvin
Ölkə.az
