ABŞ administrasiyası yaxın istirahət günlərində İrana zərbə endirmək imkanını nəzərdən keçirir, lakin yekun qərar hələ verilməyib.
AFN.az "CBS News"a istinadən xəbər verir ki, milli təhlükəsizlik aparatı prezident Donald Trampa hərbçilərin artıq şənbə günündən etibarən İrana mümkün zərbələr endirməyə hazır olduqlarını, lakin hər hansı hərəkətin müddətinin böyük ehtimalla sürüşə biləcəyini məruzə ediblər.
"CBS News" vurğulayır ki, yekun qərar hələ qəbul edilməyib, Ağ Ev isə potensial hücumun eskalasiya risklərini, eləcə də ondan çəkinməyin siyasi və hərbi nəticələrini qiymətləndirir.
Yanvarın 26-da Vaşinqton İrana tərəf "nəhəng armada"nın hərəkət etdiyini bəyan edib. Amerika tərəfi Tehranın danışıqlar masasına oturacağına və nüvə silahından tam imtinanı nəzərdə tutan "ədalətli və bərabərhüquqlu" saziş bağlayacağına ümid etdiyini bildirib.
ABŞ xəbərdarlıq edib ki, 2025-ci ilin yayında İslam Respublikasına endirilən zərbələrdən fərqli olaraq "növbəti hücum daha da pis olacaq" və buna yol verməməyə çağırıb. Qeyd edək ki, fevralın 17-də Cenevrədə Omanın vasitəçiliyi ilə ABŞ və İran arasında nüvə dosyesi üzrə ikinci raund danışıqlar baş tutub.
