2023-cü ilin əks-hücum planı zamanı Vladimir Zelenski və digər rəsmilər bunun üçün lazım olan resursları ayırmayıb.
Sitat.info xəbər verir ki, bunu Ukraynanın Böyük Britaniyadakı səfiri, Ukrayna ordusunun keçmiş baş komandanı Valeri Zalujnı deyib.
Zalujnı qeyd edib ki, plana əsasən, məqsəd Zaporojye bölgəsinin bir hissəsi, həmçinin Zaporojye AES-i azad etmək, daha sonra isə Azov dənizinə doğru irəliləmək olub. Belə ki, bu hücumla rus ordusunun Krımla yeganə quru yolunu bağlamaq hədəflənib.
Onun sözlərinə görə, Zelenski və digər rəsmilər ordunu lazım olan resurslarla təmin etməyib, bu səbəbdən əks-hücum planı uğursuz olub.
