Azərbaycanın Mərkəzi Asiya dövlət başçılarının Məşvərət Görüşü platformasına qoşulması regional qarşılıqlı əlaqə tarixində yeni səhifə açır və bizim görüşümüz bu yolda mühüm addımdır.
"Report"un məlumatına görə, bunu Türkmənistan Xarici İşlər Nazirliyi yanında Beynəlxalq Münasibətlər İnstitutunun Strateji Tədqiqatlar Mərkəzinin direktoru Şiri Şiriyev "C6: Vahid region, ortaq gələcək – Srateji dialoqun gücləndirilməsi" adlı beynəlxalq konfransda deyib.
"Bu gün biz burada sadəcə fikir mübadiləsi üçün toplaşmamışıq – biz C6 formatı ölkələrinin həmrəy, bir-birini tamamlayan cəmiyyət kimi öz potensiallarını reallaşdıra biləcəkləri gələcəklə bağlı ümumi baxış formalaşdırırıq", - Ş.Şiriyev deyib.
Onun sözlərinə görə, C6 formatının strateji əhəmiyyətini yenidən qiymətləndirmək çətindir, çünki bu, sadəcə dialoq platforması deyil, qlobal qeyri-sabitlik şəraitində ortaq qərarların hazırlanması, qarşılıqlı fayda əsasında davamlı iqtisadi əlaqələrin inkişafı, humanitar əməkdaşlıq və təcrübə mübadiləsi vasitəsilə etimadın möhkəmləndirilməsi üçün effektiv mexanizmdir.
Ş.Şiriyev qeyd edib ki, bu prosesdə əsas rol ekspert cəmiyyətinə məxsusdur, çünki məhz analitiklər, tədqiqatçılar, beyin mərkəzlərinin nümayəndələri ölçülüb-biçilmiş qərarların qəbulu üçün intellektual təməl yaradırlar.
Xəbər yenilənir
