Fransa Prezidenti Emmanuel Makron və Hindistanın Baş naziri Narendra Modi amerikalı həmkarı Donald Trampın aqressiv və proteksionist diplomatiyasının yaratdığı qlobal qarışıqlıq qarşısında müdafiədən süni intellektə qədər əməkdaşlığı gücləndirmək barədə razılığa gəliblər.
Bakıvaxtı.az “Bfmtv.com”a istinadən xəbər verir ki, Narendra Modi ölkənin iqtisadi paytaxtı Mumbayda (qərbi Hindistan) ev sahibi ilə görüşdən sonra mətbuata bildirib ki, Hindistan-Fransa tərəfdaşlığının heç bir sərhədi yoxdur: “Tərəfdaşlıq okeanların dərinliklərindən ən yüksək dağlara qədər uzanır".
Cümə axşamına qədər Hindistana dördüncü rəsmi səfərini edən Fransa dövlət başçısı əlavə edib ki, Fransa-Hindistan münasibətləri diqqətəlayiq dərəcədə sürətlənmə mərhələsindədir və bu, dəyişən beynəlxalq nizamla bağlıdır".
Beynəlxalq nizam D.Trampın tez-tez gözlənilməz və qeyri-sabit diplomatik və ticarət qərarları, eləcə də Çinin yüksəlişi ilə sarsılır. Emmanuel Makron Çinin dominant mövqe tutduğu nadir metalları nümunə gətirərək, Fransa və Hindistanın heç bir hegemonluq formasına və ya bir neçə nəfərin hökmünə tabe olmaq istəmədiyini bildirib .
Yanvar ayının sonlarında Avropa Birliyi ilə Hindistan arasında böyük bir sərbəst ticarət müqaviləsinin imzalanmasından sonra Fransa prezidenti Amerika prezidentinin apardığı daimi tarif müharibəsi olmadan beynəlxalq ticarətin üstünlüklərini tərifləyib. Fransa prezidenti israrla bildirib:
“Biz beynəlxalq ticarətə inanırıq və məcburi metodları rədd edirik".
İki lider həmçinin texnologiya paytaxtı Banqalor (Cənubi Hindistan) yaxınlığında, təxminən min kilometr məsafədə yerləşən “Airbus H125” helikopter yığım xəttinin simvolik olaraq bir düyməni basaraq uzaqdan açılışını etdilər. Səfərin qalan hissəsi süni intellektə yönələcək və çərşənbə axşamı Yeni Dehlidə Dünya Süni İntellekt Sammitində açılış şam yeməyi veriləcək , ardınca cümə axşamı on beş dövlət və hökumət başçısının iştirakı ilə plenar iclas keçiriləcək.
Aydın Baxış
