ain.az, Demokrat.az saytından verilən məlumata əsaslanaraq xəbər yayır.
Zamanla ütünün alt hissəsində yaranan ərp və qaralmalar həm cihazın işini çətinləşdirir, həm də paltarlarda ləkə yaradır. Məişətdə istifadə olunan sadə üsullarla ütünü qısa müddətdə ilk günkü vəziyyətinə qaytarmaq mümkündür.Demokrat.az xəbər verir ki, ütünün altını təmizləmək üçün ən effektiv yollardan biri duzdan istifadə etməkdir. Kağızın bir hissəsinə bolca duz töküb ilıq dərəcədə qızdırılmış ütünü onun üzərində gəzdirməklə yapışan ləkələri yox etmək olar. Əgər cihazın buxar deşikləri tutulubsa, sirkəyə batırılmış qulaq çöpü ilə həmin hissələri təmizləmək məsləhətdir.Daha dərin təmizlik üçün soda və su qarışığından hazırlanan məcun da yaxşı nəticə verir. Bu qarışığı soyuq ütünün altına dairəvi hərəkətlərlə çəkib sonra nəm əski ilə silmək lazımdır. Daxili hissədəki ərp üçün isə yarıbayarı sirkə və su qarışığını su qabına doldurub buxar rejimində işlətmək kifayətdir.Mütəxəssislər ərp yaranmasının qarşısını almaq üçün kran suyu əvəzinə təmizlənmiş sudan istifadə etməyi tövsiyə edirlər. Hər istifadədən sonra su qabını boşaltmaq və ütünün altını mikrofiber bezlə silmək cihazın ömrünü uzadır."Ütünün altındakı ləkələr və ərp qalıqları ən sevdiyiniz geyimlərə zərər verə bilər. Bahalı kimyəvi vasitələrə ehtiyac duymadan mətbəxinizdəki məhsullarla bu problemi saniyələr içində həll edə bilərsiniz", - deyə təmizlik mütəxəssisləri bildiriblər.Aytən
Demokrat.az
Ən son xəbərləri və yenilikləri almaq üçün ain.az saytını izləyin.
