Belçikanın köklü klublarından olan "Anderlext" rəhbərliyi, texniki direktor postuna futbol dünyasının tanınmış simalarından biri olan Mark Overmarsı gətirməyə hazırlaşır.
Fanat.Az xəbər verir ki, hazırda "Antverpen"də çalışan 52 yaşlı mütəxəssisin Brüssel təmsilçisi ilə danışıqlarda sona yaxınlaşdığı və tərəflərin uzunmüddətli əməkdaşlıq barədə razılığa gəldiyi bildirilir.
Xatırladaq ki, Overmars 2022-ci ilin fevralında "Ayaks"dan qalmaqallı şəkildə ayrıldıqdan sonra karyerasını Belçikada uğurla davam etdirərək "Antverpen"i çempionluğa daşımışdı.
"Anderlext" rəhbərliyi hollandiyalı mütəxəssisin transfer və kadr islahatları sahəsindəki zəngin təcrübəsindən yararlanaraq klubu yenidən Avropa arenalarının iddialı komandasına çevirmək niyyətindədir.
Kamil Xudiyev
