Yeni doğulan körpə ilə birlikdə ailədə qardaş-bacı arasında yaranan qısqanclıq uşaqların normal emosional reaksiyasıdır.
Pravda.az bildirir ki, xüsusilə 2–6 yaş arası uşaqlarda, valideynin sevgisi və diqqəti üçün rəqabət hissi ortaya çıxır.
Bu vəziyyətə aşağıdakı əlamətlər aid ola bilər:
Kiçik qardaş və bacıya qarşı aqressiv davranış və onların yox olmasını istəmək;
Anaya qarşı küsə və düşmən davranışlar;
İçinə qapanma, davranış dəyişiklikləri, yatağı islatma;
Məktəbdə və evdə narahatlıq və stress.
Valideynlər üçün tövsiyələr:
Uşağın hisslərini qəbul edin və bu reaksiyanın normal olduğunu izah edin;
Ona xüsusi vaxt ayırın və kiçik tapşırıqlar verin;
Sevgi və diqqəti bərabər hiss etdirməyə çalışın;
Negativ davranışlarda səbirli olun və emosiyalarını ifadə etməyə təşviq edin.
Məqsəd qısqanclığı aradan qaldırmaq deyil, onu sağlam şəkildə idarə etməyi öyrətməkdir.
Əminə Bayramova
