Döyüş təcrübəsi olan ukraynalı təlimatçılar Bundesver əsgərlərinə PUA-ların istifadəsi, hücumların qarşısının alınması və mobil tətbiqlərdən istifadə edərək əməliyyatların aparılması üzrə təlim keçəcəklər. Təcrübə mübadiləsi ilə bağlı danışıqlar 2025-ci ildən bəri davam edir.
Herbiand.az xəbər verir ki, bu barədə Almaniyanın “Der Spiegel” nəşri məlumat yayıb.
Məlumata görə, Almaniya Müdafiə Nazirliyi döyüş təcrübəsi olan ukraynalı əsgərləri ən qısa müddətdə Almaniya silahlı qüvvələrinə təlim keçmək üçün göndərmək istəyir.
Ukrayna Silahlı Qüvvələrinin əsgərləri Bundesver əsgərlərinə dronların istifadəsi və mobil tətbiqlərdən istifadə edərək əməliyyatların aparılması üzrə təlim keçəcəklər.
2025-ci ildə Almaniyanın müdafiə naziri Boris Pistorius və Ukrayna prezidenti Volodymyr Zelensky ukraynalı təlimatçıların Almaniya quru qüvvələrinin məktəblərinə və döyüş təlim mərkəzlərinə inteqrasiyası barədə müqavilə imzalayıblar.
