ain.az, Fanat saytına istinadən bildirir.
Fevralın 18-də UEFA Çempionlar Liqasının pley-off mərhələsinin ilk oyunları çərçivəsində "Nyukasl"ı qəbul edəcək "Qarabağ"ın baş məşqçisi Qurban Qurbanov qapıçı mövqeyi ilə bağlı problemlə üzləşib.
Əsas qapıçı Mateuş Koxalski zədəlidirsə, digər qolkiperin - daha öncə sıradan çıxan Şahruddin Məhəmmədəliyevin adı ÇL-in iştirak ərizəsindən çıxarılıb. Hazırda "köhlənlər" 3-cü "çərçivə" qoruyucusu Fabian Buntiçin ümidinə qalıb. Bəs görəsən Koxalskinin oyun gününədək sıraya dönmək ehtimalı varmı? Sualı Ağdam təmsilçisinin mətbuat xidmətinə ünvanladıq.
Klubdan Fanat.Az-a verilən məlumat belə oldu:
"O, həkim nəzarətindədir. Yalnız onu demək olar ki, həkimlər Koxalskinin "Nyukasl"la oyunda meydana çıxması üçün çalışırlar".
Tofiq Bəhramov adına Respublika stadionunda keçiriləcək "Qarabağ" – "Nyukasl" görüşü saat 21:45-də start götürəcək.
Nihat
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
