Müğənni Qumral "Tarixin bir günü" canlı efirində səsləndirdiyi fikirlərlə diqqət çəkib.
Milli.Az xəbər verir ki, o, həm rəqsi, həm də səhnə performansı ilə bağlı ünvanına deyilən tənqidlərə cavab verib.
Qumral bildirib ki, səhnə sənətçidən enerji və performans tələb edir:
"Musiqi ilə qidalanıram, rəqsə getmişəm. Sibel Can oynayanda bəyənirsiniz, mən oynayanda yox? Deyirlər ki, 'ərin hara baxır, sən rəqs edirsən?' Oxuduğum ifalarla performans göstərirəm. Səhnə bunu tələb edir", - deyə o vurğulayıb.
Müğənni qeyd edib ki, istər səhnədə rəqs edən, istərsə də sakit dayanan sənətçilər tənqiddən qaça bilmir:
"Oynayanı da qınayırsınız, səhnədə tərpənməyəni də. Özündən razı olub mühafizəçi ilə gəzənlərə daha çox hörmət edirlər. Mən ucuz maşınla gəlsəm, yenə tənqid olunacağam. Heç vaxt 'mənəm-mənəm' deməmişəm. Mənim kimi qızı-gəlini günorta vaxtı əlinizdə lampa ilə tapa bilməzsiniz. Amma bəziləri 100 manatlıq efirə çıxıb söz sahibi olurlar, kimisə bəyənmirlər".
Sənətçi sonda cəmiyyətin uğur qazanan insanlara qarşı münasibətinə toxunub:
"Digər ölkələrdə oynayıb-oxuya bilməyənin tərəfini saxlayırlar, bizdə isə nəyisə bacaranı vururlar".
Onun bu açıqlamaları sosial şəbəkələrdə geniş müzakirələrə səbəb olub. Bəzi izləyicilər sənətçinin fikirlərini dəstəkləyib, digərləri isə səhnə davranışları ilə bağlı fərqli mövqe sərgiləyiblər.
Musa
Milli.Az
