ABŞ Müdafiə Nazirliyi İran neftinin daşınması üçün sanksiyalara məruz qalan “Veronica III” tankerinin saxlanıldığını açıqlayıb.
Yeniavaz.comxəbər verir ki, nazirliyin yaydığı məlumata görə, gəmi ABŞ Prezidenti Donald Trump administrasiyasının tətbiq etdiyi məhdudiyyətləri pozmağa cəhd edib.
Pentaqon tərəfindən verilən bəyanatda bildirilir ki, tanker uzun müddət izlənilib və nəticədə saxlanılıb: “Biz onu Karib dənizindən Hind okeanına qədər izlədik, məsafəni bağladıq və dayandırdıq. Başqa heç bir millətin buna imkanı, dözümlülüyü və ya iradəsi yoxdur. Beynəlxalq sular sığınacaq deyil. Quru, hava və ya dəniz vasitəsilə sizi tapıb ədaləti bərpa edəcəyik”.
Bəyanatda həmçinin qeyd olunub ki, Müdafiə Nazirliyi dənizdə qanunsuz fəaliyyət göstərən subyektlərin hərəkət azadlığını məhdudlaşdırmaqda davam edəcək.
