BAKI, 15 fevral. TELEQRAF
Moskva və Astana 2026-cı ildə Qazaxstan Prezidenti Kasım-Jomart Tokayevin dəvəti ilə Rusiya Prezidenti Vladimir Putinin Qazaxstana səfərinin tarixlərini və danışıqların əsas mövzularını müzakirə edirlər.
Teleqraf xəbər verir ki, bu barədə Rusiya səfiri Aleksey Borodavkin məlumat verib.
O qeyd edib ki, Putinin Qazaxstana illik səfər mübadiləsi artıq ənənəyə çevrilib və hazırda səfərin tarixləri razılaşdırılır, həmçinin görüşlərin məzmunu üzərində iş aparılır. Səfir vurğulayıb ki, səfər Rusiya-Qazaxstan ikitərəfli münasibətlərində parlaq səhifələrdən biri olacaq və əməkdaşlığın inkişafına əlavə stimul verəcək.
Qeyd edək ki, Tokayev 11-12 noyabr 2025-ci ildə Rusiyaya dövlət səfəri etmiş və Putini 2026-cı ildə Qazaxstana dəvət etmişdi. Putin dəvətə görə təşəkkür etmiş və səfəri məmnuniyyətlə həyata keçirəcəyini bildirmişdi. Putin sonuncu dövlət səfərini 2024-cü ilin noyabrında Qazaxstanda həyata keçirmiş və həmin vaxt KTMT sammitində iştirak etmişdi.
