ain.az xəbər verir, Idman.biz saytına əsaslanaraq.
Belçika Pro Liqasında gözlənilməz şəkildə ön sıralara yüksələn “Sent-Trüden” mövsümün əsas sürprizlərindən sayılır.
İdman.Biz xəbər verir ki, ötən mövsümü 14-cü pillədə başa vuran komanda indi lider “Yunion”dan cəmi dörd xal geri qalır və tarixində ilk dəfə çempionluğa real namizəd kimi göstərilir. Halbuki heyətin ümumi dəyərinə görə klub liqada yalnız 12-ci sıradadır - 32,7 milyon avro (65 milyon AZN).
“Sent-Trüden”i fərqləndirən ən maraqlı cəhət isə onun Avropanın “yapon” komandası adlandırılmasıdır. Heyətdə bu ölkədən səkkiz legioner var ki, bu da aparıcı liqalarda rekord göstəricidir. Bunun səbəbi aydındır: 2017-ci ildən klubun sahibi Yaponiya elektron ticarət şirkəti DMM-dir. Məqsəd Belçika ilə Yaponiya arasında mədəni körpü yaratmaq olub və bu strategiya transfer siyasəti üzərindən qurulub. Son doqquz ildə sarı-göylərin formasını ümumilikdə 29 yapon futbolçu geyinib.
Ən vacibi isə layihə həm idman, həm də mədəni baxımdan nəticə verir. Hazırda komandanın çempionatda ən yaxşı bombardirləri də yaponlardır: Keisuke Qoto doqquz, Ryotaro İto altı, Rihito Yamamoto isə dörd qolla fərqlənib. Eyni zamanda şəhərə gündoğan ölkədən gələn turistlərin sayı son illərdə dəfələrlə artıb.
İdman.Biz
Hadisənin gedişatını izləmək üçün ain.az saytında ən son yeniliklərə baxın.
