Rusiya Hərbi Dəniz Qüvvələrinin Sakit okean donanmasının bir dəstəsi Asiya-Sakit okean bölgəsində təyin olunmuş missiyaları yerinə yetirmək üçün Vladivostokdan uzun məsafəli səyahətə çıxıb.
Herbiand.az Rusiya Müdafiə Nazirliyinin mətbuat xidmətinə istinadən bildirir ki, dəstəyə “Sovershennıy” və “Rezkiy” korvetləri, eləcə də orta ölçülü “Peçenqa” dəniz tankeri daxildir.
Məlumata görə, Yapon dənizindəki bazalarını tərk etdikdən sonra heyətlər hava hücumunu dəf etmək və simulyasiya edilmiş düşmənin pilotsuz qayıqlarına qarşı durmaq üçün dəniz təlimləri keçiriblər. Həmçinin, gəmilərdən birinin bazasında yerləşən Ka-27 helikopteri ilə Böyük Pyotr körfəzində sualtı qayıq əleyhinə döyüş tapşırıqları yerinə yetirilib.
Qarşıdan gələn tədbirlər çərçivəsində “Sovershennıy” və “Rezkiy” korvetləri və “Peçenqa” tankeri Asiya-Sakit okean bölgəsində bir sıra təlimlər keçirəcək və dost ölkələrin limanlarına baş çəkəcəklər.
Bəxtiyar CƏFƏRLİ
