ain.az bildirir, futbolpress-az portalına istinadən.
“Atletiko”nun baş məşqçisi Dieqo Simeone İspaniya Kubokunun yarımfinalında “Barselona”ya qalib gəldikləri oyunu şərh edib.
Futbolpress.az “Marca”ya istinadən xəbər verir ki, mütəxəssis 4:0 hesabıyla bitən matçla bağlı bunları deyib:
“Azarkeşlərimizin belə oyunlara ehtiyacları var. Onlar illərdir, bizi irəli aparırlar, həmişə yanımızda olurlar. Onlara belə matçlar, nəticələr lazımdır.
Oyuna mükəmməl başladıq, ilk hissədə yaxşı oyunla dörd qol vurduq. Bəlkə, daha artığını edə bilərdik. Bilirdik ki, təslim olmayacaqlar. Ona görə fasilədən sonra daha diqqətli olmalıydıq. Düzdür, birinci hissədəki kimi əla oynamadıq, amma qol buraxmadan qələbə qazanmağımız möhtəşəmdir.
Kiminlə oynadığımızı bilirik. Rahatlaşmaq olmaz”.
Komandalar arasındakı cavab görüşü martın 3-də “Kamp Nou”da olacaq.
Sonrakı hadisələr barədə daha çox məlumat almaq üçün ain.az saytını izləyin.
