Avtosfer saytından verilən məlumata görə, ain.az xəbər verir.
Paytaxtın Yasamal rayonu, Nizami Hikmət küçəsində baş vermiş yol-nəqliyyat hadisəsi anbaan avtomobilin kamerasına düşüb.
Avtosfer.az-ın məlumatına görə, qəza fevralın 3-də saat 09:01 radələrində qeydə alınıb.
Kadrlardan göründüyü kimi, həyət ərazisindən çıxan “BYD” markalı avtomobilin sürücüsü yol şəraitini düzgün qiymətləndirmədən birbaşa hərəkət zolağına daxil olub. Bu zaman o, əsas yoldan gələn - görüntünü qeydə alan avtomobili vurub
Hadisə nəticəsində xəsarət alan olmasa da, hər iki nəqliyyat vasitəsinə maddi ziyan dəyib.
Xatırladaq ki, qanunvericiliyə əsasən, həyət ərazisindən (yaşayış binalarının həyəti, məhəllədaxili yollar, dayanacaq yerləri, yanacaqdoldurma məntəqələri və sair) və digər bitişik ərazilərdən yola çıxan sürücü əsas yolda hərəkətdə olan bütün nəqliyyat vasitələrinə yol verməlidir.
Yolun təhlükəsiz olduğuna əmin olduqdan sonra, digər hərəkət iştirakçılarına maneə yaratmadan hərəkət etməlidir.
Təbii ki, bu qaydanın pozulması inzibati məsuliyyətə və yol-nəqliyyat hadisələrinə səbəb ola bilər.
Nərmin
Oxunub 8
Ən son xəbərləri və yenilikləri almaq üçün ain.az saytını izləyin.
