ain.az, Bakivaxti portalına istinadən məlumat verir.
Ötən ilin fevralında Bakı Beynəlxalq Avtovağzal kompleksinin qarşısında "Saipa" markalı avtomobillə piyada, 1971-ci il təvəllüdlü Məryəm Novruzovanı vuraraq onun ölümünə səbəb olan 60 yaşlı Vüqar Məmmədəliyevin məhkəmə prosesi başa çatıb.
Bakıvaxtı.az-ın Teleqraf-a istinadən məlumatına görə, Binəqədi Rayon Məhkəməsində hökm oxunub.
Hökmə əsasən, 1965-ci il təvəllüdlü Məmmədəliyev Vüqar İsaq oğlu üç il müddətinə azadlıqdan məhrum edilib. O, cəzasını məntəqə tipli cəzaçəkmə müəssisəsində çəkəcək. Bundan başqa, V.Məmmədəliyev 1 il 6 ay müddətinə sürücülük hüququndan məhrum edilib.
Zərərçəkənin hüquqi varisi qarşı tərəfdən şikayətçi olmadığını, təqsirləndirilən şəxslə barışdığını bildirib.
Qeyd edək ki, M.Novruzova 54 nömrəli tam orta məktəbdə ibtidai sinif müəllimi olub.
Sonrakı hadisələr barədə daha çox məlumat almaq üçün ain.az saytını izləyin.
