Çin Hərbi Dəniz Qüvvələri üçün nəzərdə tutulmuş ilk “Type-095” sinifli çoxməqsədli nüvə sualtı qayığı bu həftə Çinin Huludao şəhərindəki Bohai Shipbuilding gəmiqayırma zavodundakı buraxılış dokuna köçürülüb.
Herbiand.az bildirir ki, bu barədə Naval News nəşri EOS Land Viewer redaktorlarına təqdim edilən peyk şəkillərinə istinadən məlumat verib.
Nəşr qeyd edib ki, mənbələr yüksək keyfiyyətli şəkillərin dərc olunmasına razılıq verməyiblər. Buna görə də fotoşəkillər aşağı keyfiyyətlə və başlıqlarla təqdim olunub.
Jurnalistlərin sözlərinə görə, fotoşəkli çəkilmiş sualtı qayıq tamamilə yeni dizaynla uyğun xarakterik xüsusiyyətlər nümayiş etdirir.
Nəşr şəkillərə əsaslanaraq sualtı qayığın uzunluğunun təxminən 110-115 metr olduğunu iddia edir. Bu ölçülər əvvəlki Type-093 seriyasından əhəmiyyətli dərəcədə fərqlənmir. Lakin, köhnə sualtı qayıqlardan fərqli olaraq, yeni dizayn nəzərəçarpacaq dərəcədə daha genişdir: onun eni 12-13 metr olaraq qiymətləndirilir.
Bəxtiyar CƏFƏRLİ
