Hazırda ölkə üzrə yüzlərlə məktəb direktorsuz fəaliyyət göstərir.
Bu vəziyyət tədrisin keyfiyyətinə və nizam-intizama necə təsir edir?
Direktorun olmaması təhsil müəssisələrində bir sıra mənfi hallara gətirib çıxarır.
Mütəxəssislər Azərbaycan Televiziyasına (AzTV) bildiriblər ki, bu hal bəzi şagirdlərin dərsdən qaçmasına və təlim-tərbiyədən uzaqlaşmasına da səbəb olur.
Məsələ yalnız şagirdlərə məhdudlaşmır, həm də müəllim kollektivinin intizamına mənfi təsir göstərir.
Bir çox məktəblərə rəhbər təyin olunmamasının səbəbinə aydınlıq gətirən təhsil eksperti Elçin Əfəndi bildirir ki, direktorlar vahid imtahan əsasında seçilməlidir:
"Onlarla bağlı stimullaşdırıcı qərarlar verilməli, məsuliyyət yükü azaldılmalıdır".
