Laboratoriyaya getmədən bir dəqiqədən az müddətdə anemiyadan şübhələnə bilərsiniz.
E-saglam.az xəbər verir ki, endokrinoloq Yekaterina Yanq sadə bir özünüdiaqnostika metodunu izah edib.
Yoxlamaq üçün həkim güzgü qarşısında dayanmağı və alt göz qapağını barmaqla aşağı çəkməyi tövsiyə edir. Əsas göstərici selikli qişanın daxili səthinin rəngidir. Parlaq çəhrayı rəng ümumiyyətlə anemiyanın olmamasını göstərir. Lakin solğun çəhrayı və ya hətta mavimsi rəng qanda hemoqlobin səviyyəsinin aşağı olması ilə əlaqəli olan bu vəziyyəti göstərə bilər.
Mütəxəssis xəbərdarlıq edib ki, anemiyanın vaxtında müalicə olunmaması ciddi nəticələrə səbəb ola bilər: tiroid vəzi, reproduktiv sistemlə bağlı problemlər (o cümlədən hamiləlik), performansın və toxumaların bərpasının azalması və daimi yuxululuq.
Tərcümə: Könül Oruc
E-saglam.az
