Müəllif: Tamara Mustafayeva, Banco.az
“Paramount” “Warner Bros.”a kompensasiya təklif edib.
Banco.azxəbər verir ki, Media və əyləncə sahəsində fəaliyyət göstərən “Paramount” şirkəti “Warner Bros. Discovery Inc.” üçün verdiyi təklifi yaxşılaşdırıb və “Netflix”in rəqib təklifinə qarşı səhmdarları öz təklifinə cəlb etmək məqsədilə səylərini gücləndirib.
“Paramount” çərşənbə axşamı yaydığı açıqlamada bildirib ki, “Warner Bros.”un “Netflix” ilə daha əvvəl əldə olunmuş razılaşmanı ləğv edəcəyi təqdirdə ödəməli olacağı 2,8 milyard dollar məbləğində kompensasiyanı öz üzərinə götürməyə hazırdır.
Şirkət eyni zamanda, zərurət yaranacağı halda “Warner Bros.”un yenidən qurulmasına dəstək verəcəyini və bununla bağlı 1,5 milyard dollar məbləğində xərci ödəməyi öhdəsinə götürdüyünü bəyan edib.
“Paramount” təklifinin qısa müddətdə hüquqi təsdiq alacağına inamını nümayiş etdirmək məqsədilə açıqlayıb ki, əgər əməliyyat 31 dekabr tarixindən sonra başa çatmazsa, “Warner Bros.”un səhmdarlarına hər rüb üçün səhm başına 25 sent məbləğində “əməliyyat haqqı” ödəyəcək.
Açıqlamadan sonra “Paramount” və “Warner Bros.” şirkətlərinin səhmləri 1 faizdən çox bahalaşıb. “Netflix”in səhmləri isə 2,5 faiz artımla ən güclü yüksəliş nümayiş etdirib.
Bizi sosial şəbəkələrdən izləyin!!
