Xərçəng xəstəliyi ilə mübarizə aparan türkiyəli yazıçı Bülent Akyürek 57 yaşında vəfat edib.
Far.Az xəbər verir ki, bu barədə Türkiyənin Mədəniyyət və Turizm Nazirliyi rəsmi sosial şəbəkə hesabında paylaşım edərək Akyürekin vəfat etdiyini təsdiqləyib.
Paylaşımda onun Türk ədəbiyyatı və düşüncə dünyasına verdiyi töhfələr xüsusi vurğulanıb, ailəsinə və yaxınlarına başsağlığı verilib.
Yazıçı bir müddətdir müalicə aldığı xəstəxanada dünyasını dəyişib. Onun cənazəsi bu gün günorta namazından sonra Ankaranın Gölbaşı qəbiristanlığında torpağa tapşırılacaq.
Xatırladaq ki, Bülent Akyürek 1969-cu ildə Elazığda doğulub. 1985-ci ildə Ankaraya köçüb. Gənc yaşlarından yazarlıqla məşğul olan müəllifin əsərləri 17 yaşından etibarən nəşr olunmağa başlayıb.
Akyürek "Yılgın Türkler", "İçinizdeki Öküze Oha Deyin!", "Zamanın Efendisi" kimi tanınmış kitablarla yanaşı, "Cinnetim Cennetimdir", "Müslümanın Diyeti", "Bir Mazlumun Portresi: Malcolm X", "Felsefe Bitmiştir", "Modern Müslümanların El Kitabı" və onlarla digər əsərin müəllifi olub.
